കൊച്ചി: ഗുണ്ടാനേതാവ് പോലീസുകാര്‍ക്ക് വിരുന്നൊരുക്കി. തമ്മനം ഫൈസിലിന്‍റെ അങ്കമാലിയിലെ വീട്ടിലാണ് വിരുന്നൊരുക്കിയത്. ഇവിടെ വിരുന്നിനെത്തിയത് ആലപ്പുഴയിലെ ക്രൈം ഡിറ്റാച്ച്‌മെന്‍റില്‍നിന്നുള്ള ഡി വൈ എസ് പി എം.ജി.സാബുവും പോലീസുകാരുമാണ്. അങ്കമാലി എസ് ഐ പരിശോധനയ്‌ക്കെത്തിയ അവസരത്തിൽ ശുചിമുറിയില്‍ കയറി ഒളിക്കുകയായിരുന്നു ഡി വൈ എസ് പി. സംഭവമുണ്ടായത് ഞായറാഴ്ച വൈകുന്നേരം ആറോടെയാണ്. അങ്കമാലി എസ് ഐയും സംഘവും ഗുണ്ടാ നേതാവ് ഫൈസലിന്‍റെ വീട്ടില്‍ റെയ്ഡിനായെത്തിയതാണ്. ഒട്ടനവധി കേസുകളിൽ പ്രതിയാണിയാൾ. ആലപ്പുഴയിൽനിന്നുള്ള നിന്നുള്ള ഡി വൈ എസ് പിയെയും, രണ്ട് കോണ്‍സ്റ്റബിൾമാരെയും പോലീസ് ഡ്രൈവറെയും അപ്രതീക്ഷിതമായി ഇവിടെ വച്ച് കാണുകയായിരുന്നു റെയ്ഡിനെത്തിയ സംഘം. തമ്മനം ഫൈസലിന്‍റെ വീട്ടില്‍ പോലീസെത്തിയത് ഗുണ്ടകളെ പിടികൂടാനുള്ള പദ്ധതിയായ ആഗ് ഓപ്പറേഷന്‍റെ ഭാഗമായാണ്. പോലീസ് ഡി വൈ എസ് പി ഉൾപ്പെടെയുള്ളവർ ഗുണ്ടാ നേതാവിൻ്റെ വസതിയിൽ വിരുന്നിന് പോയ സംഭവത്തിൽ ആഭ്യന്തര അന്വേഷണം ആരംഭിച്ചിട്ടുണ്ട്.
