ഇംഗ്ലണ്ടിനെതിരായ ടെസ്റ്റ് പരമ്പര 2-2 എന്ന നിലയിൽ സമനിലയിൽ പിരിഞ്ഞതിന് പിന്നാലെ മറ്റൊരു സൂപ്പർ പോരാട്ടത്തിനൊരുങ്ങുകയാണ് ഇന്ത്യ.
സൂര്യകുമാർ യാദവിന്റെ നേതൃത്വത്തിൽ ടി20 ഫോർമാറ്റിൽ ഏഷ്യാ കപ്പ് കളിക്കാനുള്ള തയ്യാറെടുപ്പുകൾ നടക്കുകയാണ്. ഇത്തവണ സെപ്റ്റംബർ 9 മുതൽ 28 വരെ യുണൈറ്റഡ് അറബ് എമിറേറ്റ്‌സിൽ (യുഎഇ) ടി20 ഫോർമാറ്റിലാണ് ഏഷ്യാ കപ്പ് നടക്കുന്നത്.
ഈ ടൂർണമെന്റിലെ എല്ലാ മത്സരങ്ങളും ദുബായ്, അബുദാബി എന്നിവിടങ്ങളിലായിരിക്കും നടക്കുക.
ഉദ്ഘാടന മത്സരം
2025 ഏഷ്യാ കപ്പിന്റെ ഉദ്ഘാടന മത്സരം സെപ്റ്റംബർ 9 ന് അബുദാബിയിലെ ഷെയ്ഖ് സായിദ് സ്റ്റേഡിയത്തിൽ അഫ്ഗാനിസ്ഥാനും ഹോങ്കോങ്ങും തമ്മിൽ നടക്കും. അതേസമയം, ചിരവൈരികളായ ഇന്ത്യയും പാകിസ്ഥാനും തമ്മിലുള്ള മെഗാ മത്സരം സെപ്റ്റംബർ 14 ന് (ഞായറാഴ്ച) ദുബായ് ഇന്റർനാഷണൽ സ്റ്റേഡിയത്തിൽ നടക്കും. ഇത്തവണത്തെ ഫൈനൽ സെപ്റ്റംബർ 28 ന് ദുബായിൽ നടക്കും.
About The Author
