കർണാടകയിലെ ബന്ദിപ്പൂർ കടുവ സംരക്ഷണ കേന്ദ്രത്തിൽ കാട്ടാനയുടെ ആക്രമണത്തിൽ നിന്ന് മലയാളി യുവാവിന് അത്ഭുത രക്ഷപ്പെടൽ. രക്ഷപ്പെടാൻ ശ്രമിക്കുന്നതിനിടെ വീണ ഇയാളുടെ മേൽ ആന ചവിട്ടിയെങ്കിലും പരിക്കുകളോടെ രക്ഷപ്പെട്ടു. ആന പിൻവാങ്ങിയതാണ് ജീവൻ തിരിച്ചുകിട്ടാൻ കാരണമായത്. പരിക്കേറ്റയാൾ ചികിത്സയിലാണ്.
സംഭവത്തിന്റെ വീഡിയോ വൈറലാണ്. വാഹനങ്ങളും ആളുകളും നിറഞ്ഞ ഒരു റോഡിലാണ് കാട്ടാന നിൽക്കുന്നത്. ഇതിനിടെ അപകടകരമായി റോഡരികിലൂടെ കാൽനടയായി നടക്കുകയായിരുന്നു വിനോദസഞ്ചാരി. ഇയാളെ പെട്ടെന്ന് തന്നെ ആന ആക്രമിക്കുന്നതായി വീഡിയോയിൽ കാണാം.
കാട്ടാനയെ കണ്ടയുടനെ ഇയാൾ പ്രാണരക്ഷാർത്ഥം ഓടുന്നത് കാണാം. എന്നാൽ ആന കുറച്ചു നേരം പിന്തുടർന്നതോടെ ഇയാൾ ഇടറി വീണു. അപ്പോഴേക്കും ആന ഇയാളുടെ മേൽ ചവിട്ടി.
About The Author
