നല്ല ആരോഗ്യത്തിന് ഭക്ഷണം പോലെ തന്നെ വെള്ളം കുടിയ്ക്കുന്നതും അത്യന്താപേക്ഷിതമാണ്. ശരീരത്തിലെ താപനില നിയന്ത്രിക്കുന്നതിനും പോഷകങ്ങളും മാലിന്യങ്ങളും കൊണ്ടുപോകുന്നതിനും വെള്ളം സഹായിക്കുന്നു. ദഹനം, സന്ധികളുടെ പ്രവർത്തനം, തലച്ചോറിൻ്റെ പ്രവർത്തനം എന്നിവയ്ക്കും വെള്ളം അത്യാവശ്യമാണ്. ഇത് ശരീരത്തിലെ താപനില നിയന്ത്രിക്കുന്നു, സന്ധികൾക്ക് ബലം നൽകുന്നു, പോഷകങ്ങൾ കോശങ്ങളിലേക്ക് എത്തിക്കുന്നു, മാലിന്യം പുറന്തള്ളുന്നു. കൂടാതെ ചർമ്മം, ദഹനം, മലബന്ധം എന്നിവയ്ക്കും വെള്ളം അത്യാവശ്യമാണ്.ശരീരത്തിന് ആവശ്യമായ ജലം ലഭിക്കുന്നതിന് ഒരു പ്രത്യേക സമയം തിരഞ്ഞെടുക്കുന്നത് ശരീരഭാരം കുറയ്ക്കാനും ദഹനം മെച്ചപ്പെടുത്താനും സഹായിക്കുന്നു.ഏതെല്ലാം സമയത്ത് വെളളം കുടിയ്ക്കുന്നത് ഏതെല്ലാം ഗുണങ്ങള്‍ക്ക് സഹായിക്കുമെന്നറിയാം.
ഉണർന്നെഴുന്നേറ്റ് വെള്ളം കുടിക്കുക. ഇത് പിന്‍തുടരേണ്ട ഒരു പ്രധാനപ്പെട്ട ശീലമാണ്. രാവിലെ എഴുന്നേറ്റയുടൻ 1-2 ഗ്ലാസ് വെള്ളം കുടിക്കുന്നത് നിങ്ങളുടെ ഉപാപചയം നല്ലതുപോലെ നടക്കാനും നിങ്ങളുടെ അവയവങ്ങള്‍ക്ക് ജലാംശം നൽകാനും രാത്രിയിലെ വിഷവസ്തുക്കളെ ഇല്ലാതാക്കാനും സഹായിക്കുന്നു.തടി കുറയ്ക്കാനും ഇത് സഹായിക്കുന്നു. 6-8 മണിക്കൂർ ഉറങ്ങിയ ശേഷം ശരീരത്തിൽ ജലാംശം കുറവായിരിക്കും. രാവിലെ വെള്ളം കുടിക്കുന്നത് ദഹനത്തെ ഉത്തേജിപ്പിക്കുകയും കലോറി എരിച്ചു കളയുകയും വൃക്കയുടെയും കരളിന്റെയും വിഷാംശം ഇല്ലാതാക്കുകയും ചെയ്യുന്നു. രാവിലെ വെള്ളം കുടിക്കുന്നത് ഉപാപചയം മെച്ചപ്പെടുത്താൻ സഹായിക്കും.
ഭക്ഷണത്തിന് 30 മിനിറ്റ് മുൻപ് വെള്ളം കുടിക്കുന്നത് ശരീരഭാരം കുറയ്ക്കാനും ദഹനത്തിനും നല്ലതാണ്. ഇത് അമിതമായി ഭക്ഷണം കഴിക്കുന്നത് തടയുന്നു. ആമാശയത്തെ ഭക്ഷണത്തിനായി തയ്യാറാക്കുകയും ദഹനഎന്‍സൈം ഉത്പാദനത്തെ സഹായിക്കുകയും ചെയ്യുന്നു. 2010-ലെ ഒരു പഠനത്തിൽ, ഭക്ഷണം കഴിക്കുന്നതിന് മുൻപ് വെള്ളം കുടിച്ചവർ 12 ആഴ്ചയിൽ 44% കൂടുതൽ ശരീരഭാരം കുറച്ചതായി കണ്ടെത്തി. ഭക്ഷണത്തിന് തൊട്ടുമുന്‍പോ ശേഷമോ ധാരാളം വെള്ളം കുടിക്കുന്നത് ദഹനരസത്തെ നേർപ്പിക്കുകയും പോഷകങ്ങളുടെ ആഗിരണം തടസ്സപ്പെടുത്തുകയും ചെയ്യും.ഇതിനാല്‍ തൊട്ടുമുന്‍പായി വെള്ളം കുടിയ്ക്കാതെ അര മണിക്കൂര്‍ മുന്‍പായി വെള്ളം കുടിയ്ക്കുക.
വ്യായാമം ചെയ്യുമ്പോൾ ശരീരത്തിൽ ജലാംശം നിലനിർത്തേണ്ടത് അത്യാവശ്യമാണ്. വ്യായാമത്തിന് 30-60 മിനിറ്റ് മുൻപ് 1-2 കപ്പ് വെള്ളം കുടിക്കുക. വ്യായാമത്തിന് ശേഷം വിയർപ്പിലൂടെ നഷ്ടപ്പെട്ട ജലം വീണ്ടെടുക്കാൻ ഇത് സഹായിക്കുന്നു. വ്യായാമം ചെയ്യുമ്പോൾ ശരിയായ അളവിൽ വെള്ളം കുടിക്കുന്നത് കലോറി എരിച്ചു കളയാനും ഊർജ്ജം നൽകാനും സഹായിക്കും.ക്ഷീണമകററാനും ഇതേറെ പ്രധാനമാണ്.
രാവിലെ 10:30-നും ഉച്ചയ്ക്ക് 3:30-നും വെള്ളം കുടിക്കുന്നത് വിശപ്പ് കുറയ്ക്കാനും ശ്രദ്ധയും ഏകാഗ്രതയും നിലനിർത്താനും സഹായിക്കും. വെറുതെ വെള്ളം കുടിക്കുന്നതിന് പകരം ഹെർബൽ ടീ അല്ലെങ്കിൽ വെള്ളരിക്ക, പുതിന എന്നിവ ചേർത്ത വെള്ളം കുടിക്കുന്നത് ദഹനത്തെ സഹായിക്കും.
ഉറങ്ങുന്നതിന് 1-2 മണിക്കൂർ മുൻപ് ഒരു ഗ്ലാസ് വെള്ളം കുടിക്കുന്നത് രാത്രിയിലെ കേടുപാടുകൾ തീർക്കാനും മലബന്ധം തടയാനും പേശിവേദന കുറയ്ക്കാനും സഹായിക്കും. എന്നാൽ ഉറങ്ങുന്നതിന് തൊട്ടുമുന്‍പ് വെള്ളം കുടിക്കുന്നത് ഉറക്കത്തെ തടസ്സപ്പെടുത്തും.
ശരിയായ സമയത്ത് വെള്ളം കുടിക്കുന്നത് ഉപാപചയ പ്രവർത്തനങ്ങളെയും ദഹനത്തെയും മെച്ചപ്പെടുത്തുന്നു. തണുത്ത വെള്ളം കുടിക്കുന്നത് ശരീരത്തിലെ ഊർജ്ജം വർദ്ധിപ്പിക്കുന്നു. ഇത് വിശപ്പ് ഹോർമോൺ ആയ ഗ്രെലിനെ നിയന്ത്രിക്കുകയും അനാവശ്യമായ ഭക്ഷണം കഴിക്കുന്നത് കുറയ്ക്കുകയും ചെയ്യുന്നു. ശരീരത്തിൽ ജലാംശം നിലനിർത്തുന്നത് മലബന്ധം തടയുന്നു.വെള്ളം കേവലം ജലാംശം നൽകുന്നതിലുപരി ഉപാപചയ പ്രവർത്തനങ്ങളെയും ദഹനത്തെയും മെച്ചപ്പെടുത്തുന്നു. ശരിയായ സമയത്ത് വെള്ളം കുടിക്കുന്നത് ആരോഗ്യത്തിന് പല ഗുണങ്ങളും നൽകുന്നു.ഒപ്പം തടി കുറയ്ക്കാനും ഇതേറെ ഗുണം നല്‍കുന്നു.
About The Author
