സംസ്ഥാനത്തെ സ്വർണവില ഇന്ന് വീണ്ടും പുതിയ റെക്കോർഡിലേക്ക്. ബുധനാഴ്ച 75000 കടന്ന വില ഇന്നലെയും കുതിച്ചുയർന്നിരുന്നു. കഴിഞ്ഞ ഒരാഴ്ചയ്ക്കിടെ 1500 ഓളം രൂപയുടെ വർദ്ധനവാണ് സ്വർണ വിപണിയിൽ ഉണ്ടായിട്ടുള്ളത്. ഇതോടെ 75,760 രൂപയാണ് ഇന്ന് ഒരു പവൻ സ്വർണത്തിന് നൽകേണ്ടത്. 9470 രൂപയാണ് ഒരു ഗ്രാമിന് ഇന്നത്തെ വില. ജൂലൈ 23നാണ് സ്വർണവില ആദ്യമായി 75000 കടന്നിരുന്നത്. ഈ മാസം വീണ്ടും ഇതേ നിരക്കും മറികടന്ന് വില ഉയർന്നതോടെ ആശങ്കയിലാണ് ആഭരണ പ്രേമികളും.
ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കുന്നത്. അന്താരാഷ്ട്ര വിപണിക്കനുസരിച്ചാണ് ഇന്ത്യയിലെ വെള്ളി വില നിശ്ചയിക്കപ്പെടുന്നത്. ഡോളറുമായി താരതമ്യം ചെയ്യുമ്പോൾ രൂപയുടെ വിലയില്‍ വരുന്ന കയറ്റിറക്കങ്ങളും വെള്ളി വിലയെ സ്വാധീനിക്കും.
About The Author
