തൃശ്ശൂര്‍ : വനിതാദിനമായ വെള്ളിയാഴ്ച അതിരപ്പിള്ളി ആദിവാസി ഊരില്‍ മദ്യം നൽകി പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു. ഉച്ചയ്ക്ക് രണ്ടര മണിയോടെ മൂന്നുപേര്‍ ചേർന്നാണ് 16 വയസ്സുകാരിയെ പീഡിപ്പിച്ചെന്നാണ് പരാതി.
പ്രതികളിൽ ഒരാളെ പെൺകുട്ടി തിരിച്ചറിഞ്ഞിട്ടുണ്ട്. ഒപ്പമുണ്ടായിരുന്ന രണ്ടുപേരെ തിരിച്ചറിഞ്ഞിട്ടില്ല. കൂട്ടത്തിൽ പരിചയമുള്ള ഒരാള്‍ പാറയുടെ അടുത്തേക്ക് കൊണ്ടുപോയി തന്നെ ബലമായി മദ്യം നല്‍കി പീഡിപ്പിക്കുകയായിരുന്നുവെന്നാണ് പരാതി. കുട്ടിയോട് കൂടെയുണ്ടായിരുന്ന മറ്റു രണ്ടുപേരും ക്രൂരതകാട്ടി.
പൂർണ്ണ നഗ്നയായി അവശനിലയില്‍ കിടക്കുന്ന കുട്ടിയെ കണ്ടെത്തിയത് രക്ഷിതാക്കളും ബന്ധുക്കളും നടത്തിയ അന്വേഷണത്തിലാണ്. ഇതേത്തുടർന്ന് ഇവര്‍ മലക്കപ്പാറ പോലീസിനെ വിവരമറിയിച്ചു.
