തിങ്കളാഴ്ച വരെ 12 ജില്ലകളിൽ ഉയർന്ന താപനില മുന്നറിയിപ്പ്. കടുത്ത ചൂടിന് സാധ്യതയുള്ളത് കൊല്ലം, പാലക്കാട്, തൃശൂർ, കോഴിക്കോട്, പത്തനംതിട്ട, കോട്ടയം, കണ്ണൂർ, തിരുവനന്തപുരം, ആലപ്പുഴ, എറണാകുളം, മലപ്പുറം, കാസര്‍ഗോഡ് ജില്ലകളിലാണ്. ഈ ജില്ലകളിൽ പുറപ്പെടുവിച്ചിരിക്കുന്നത് ഒന്നാംഘട്ട അലർട്ടായ യെല്ലോ അലർട്ടാണ്. 39 ഡിഗ്രി സെല്‍ഷ്യസ് വരെ കൊല്ലം,പാലക്കാട് ജില്ലകളിലും, 38 ഡിഗ്രി സെല്‍ഷ്യസ് വരെ തൃശൂര്‍, കോഴിക്കോട് ജില്ലകളിലും, 37 ഡിഗ്രി സെല്‍ഷ്യസ് വരെ പത്തനംതിട്ട, കോട്ടയം, കണ്ണൂര്‍ ജില്ലകളിലും, 36 ഡിഗ്രി സെല്‍ഷ്യസ് വരെ തിരുവനന്തപുരം, ആലപ്പുഴ, എറണാകുളം, മലപ്പുറം, കാസർഗോഡ് ജില്ലകളിലും ഉയർന്ന താപനില അനുഭവപ്പെടാൻ സാധ്യതയുണ്ടെന്ന് കാലാവസ്ഥാ വകുപ്പ് സൂചിപ്പിച്ചു. താപനില നസാധാരണയെക്കാൾ രണ്ടുമുതൽ നാലു ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്നും മുന്നറിയിപ്പ് ലഭിച്ചു.
