മൊഹാലി: പഞ്ചാബ് ഐ.പി.എല്ലിൽ മുംബൈയെ വിറപ്പിച്ച് കീഴടങ്ങി. ഒൻപത് റൺസിനാണ് മത്സരത്തിൽ മുംബൈ വിജയിച്ചത്. ജയപരാജയങ്ങൾ മാറിമറിഞ്ഞ മത്സരമായിരുന്നു ഇത്. പഞ്ചാബ് മുംബൈ ഉയർത്തിയ 193 റൺസ് വിജയലക്ഷ്യം പിന്തുടരുകയും 19.1 ഓവറിൽ 183 റൺസിന് ഓൾ ഔട്ടാവുകയും ചെയ്തു. മുംബൈയെ കരകയറ്റിയത് മൂന്നു വിക്കറ്റ് വീതം വീഴ്ത്തിയ ജസ്പ്രീത് ബുംറ, ജെറാൾഡ് കോട്‌സെ എന്നിവരടങ്ങിയ ബോളിംഗ് നിരയാണ്. പഞ്ചാബിൻ്റെ മറുപടി ബാറ്റിങ് ആരംഭിച്ചത് തകർച്ചയോടെയാണ്. നാല് വിക്കറ്റുകളാണ്‌ മൂന്നു ഓവറിനുള്ളിൽ തന്നെ നഷ്ടമായത്. മത്സരത്തിലേക്കു പഞ്ചാബ് തിരിച്ചുവന്നത് ഏഴാം വിക്കറ്റിൽ ശശാങ്ക് – അശുതോഷ് സഖ്യം ഒന്നിച്ചതോടെയാണ്.
