കോഴിക്കോട്: സംസ്ഥാനത്ത് വെസ്റ്റ് നൈല്‍ പനി കൂടുതലായി റിപ്പോര്‍ട്ട് ചെയ്യപ്പെടാൻ സാധ്യതയുണ്ടെന്നു പറഞ്ഞ് ആരോഗ്യവകുപ്പ്. തുടർന്ന് കനത്ത ജാഗ്രതാ നിര്‍ദേശമാണ് സംസ്ഥാനത്ത് തുടരുന്നത്. പത്തു പേര്‍ക്കു കോഴിക്കോട്ടും മലപ്പുറത്തും സ്ഥിരീകരിച്ചിരുന്ന ഈ പനി ബുധനാഴ്ച പാലക്കാട്ട് ഒരാളുടെ ജീവനെടുത്തിരുന്നു. വയോധികൻ വെസ്റ്റ് നൈൽ പനി ബാധിച്ച് ചികിത്സയിലായിരുന്നു. ഇദ്ദേഹത്തിൻ്റെ മരണം സൂചിപ്പിക്കുന്നത് ജാഗ്രത തുടരേണ്ടതിലെ ആവശ്യകതയാണു. മരിച്ചത് പാലക്കാട് കാഞ്ഞിക്കുളം സ്വദേശി സുകുമാരനാണ്. 65 വയസ്സുകാരനായ സുകുമാരൻ്റെ അന്ത്യം പെരിന്തൽമണ്ണയിലെ സ്വകാര്യ ആശുപത്രിയിലായിരുന്നു. മേയ് 5 നു വീട്ടിൽ വച്ച് ഛർദിച്ചതിനെത്തുടർന്ന് ആശുപത്രിയിൽ പ്രവേശിപ്പിക്കുകയും തുടർന്ന് വെസ്റ്റ് നൈൽ പനിയാണെന്നു സ്ഥിരീകരിക്കുകയും ചെയ്തു.
